Беларусь, Смалявіцкі край і Эдвард Вайніловіч

7 кастрычніка 2022 г. ў горадзе Смалявічы ў 5-ай сярэдняй Смалявіцкай школе адбылася навукова-практычная канферэнцыя “Беларусь, Смалявіцкі край і Эдвард Вайніловіч”.

З прывітальным словам выступілі:

Старшыня Смалявіцкага раённага выканаўчага камітэта Андрэй Казіміравіч Ратомскі;

Дырэктар Інстітута гісторыі НАН Беларусі, кандыдат гістарычных навук, дацэнт Вадзім Леанідавіч Лакіза;

Прадстаўнікі Праваслаўнай, Каталіцкай канфесій, Прагрэсіўнага іўдаізма.

З пывітальным словам ад “Мусульманскага релігійнага аб’яднання ў Рэспубліцы Беларусь”, ад імя Муфтыя Абу Бекіра хазрата Шабановіча выступіў імам Мінскай саборнай мячэці Бекір Мурзіч.

Пасля пачатка (адкрыцця) афіцыйнай часткі мерапрыемства пачалося пленарнае пасяджэнне, на якім з навуковымі дакладамі на гістарычную тэматыку выступілі навуковыя супрацоўнікі, вучні сярэдніх школ раёна.

Даклады былі вельмі змястоўныя і цікавыя, асабліва было прыемна слухаць дзяцей. Іх падрыхтоўка да гэтага мерапрыемства была на высокiм ўзроўне.

Старшыня Смалявіцкага раённага выканаўчага камітэта Андрэй Казіміравіч Ратомскі і дырэктар Інстітута гісторыі НАН Беларусі, кандыдат гістарычных навук, дацэнт Вадзім Леанідавіч Лакіза сумесна ўзнагароджвалі вучняў і настаўнікаў раёна. Акрамя грамат дзеці атрымалі ў падарунак сучасныя планшэты апошняй мадэлі.

“Мусульманскае релігійнае аб’яднанне ў Рэспубліцы Беларусь” выказвае падзяку за запрашэнне на гэтую навуковую канферэнцыю, жадае поспехаў у даследаваннях і спадзяецца на сумеснае супрацоўніства.